Mbrëmjen e sotme në Prime-n e Big Brother VIP Albania 4, një debat ndodhi mes Rozana Radit dhe Kelly-t, pasi ky i fundit përmendi një ngjarje të ndodhur vite më parë, kur Rozana ishte pjesë e një tjetër spektakli dhe pati një përplasje fizike me Rezarta Shkurtën.
Kelly i tha Rozanës se kishte parë pamjet e sherrit të saj me Rezartën në rrjetet sociale, gjë që e revoltoi menjëherë këngëtaren. Ajo e kundërshtoi ashpër, duke i thënë se ai e kishte gabim dhe se konflikti nuk kishte ndodhur brenda spektaklit, por jashtë tij.
Rozana sqaroi se sherri mes saj dhe Rezartës kishte shkuar deri në gjykatë, ku ajo u shpall e pafajshme. Përplasja mes dy ish-mikeshave ka qenë një nga temat më të përfolura të viteve të kaluara në showbiz-in shqiptar.
Ndërkohë, pas debatit të sotëm, në rrjet kanë qarkulluar sërish pamjet e konfliktit të asokohe, duke ndezur diskutime të reja për ngjarjen që prej kohësh ishte lënë në harresë.
