Shqipëria nuk është një eksportues i madh në SHBA, por një rritje e tarifave për BE mund të ketë ndikime indirekte edhe në ekonominë e vendit tonë. Politika e vendosjes së tarifave më të larta por dhe zbatimit të parimit të reciprocitetit, ka rritur mundësitë e një rreziku edhe për shumë sektorë në vendin tonë.

Eksperti i ekonomisë Selami Xhepa tregon mënyrën sesi ekonomia shqiptare do të ndikohet brenda një 5-vjeçari nëse këto tarifa nisin të aplikohen. Eksportet shqiptare do të preken të parët, por pas nuk ngelen as çmimet më të larta, investimet e huaja por dhe një tkurrje e tregtisë së jashtme.

Një ekspozim nga tarifat i partnerëve kryesor tregtarë si Italia, Kina, Gjermania, Spanja e Greqia do të prekte ndjeshëm ekonominë shqiptare, e cila është e varur në 56.9% të tregtisë së jashtme.

Ndërsa as investimet e huaja direkt nga partnerë të rëndësishëm si Italia, Holanda, Gjermania e Austria nuk do të performonin njëlloj sipas ekspertëve, të cilat do të rishikonin planet e tyre edhe në Ballkan.

Sipërmarrësi amerikan në Shqipëri, Mark Crawford i sheh të drejta këto tarifa ndërsa thotë se Shqipëria duhet të jetë më e përgatitur në përballimin e kostove që do të vijnë nga BE.

Në tremujorin e 3 të 2024, Shqipëria shiti drejt SHBA 287 milionë lekë mallra dhe bleu 1.2 mld lekë produkte të huaja.(grafik) Por të ulëta mbeten investimet e huaja, ndonëse kanë shënuar rritje të lehta.

Në një këndvështrim optimistë të kësaj politike tarifore, ekspertët thonë se vetëm nëse Shqipëria ofron alternativa të reja për prodhim ose eksport, mund të përfitojë nga kjo situatë.

Top Channel